Alltaf eitthvað um að vera í DK

Flutningar ;o)

Sat, 27 Jan 2007 11:37:39 GMT

Jamm er flutt á aðra síðu... www.123.is/bogs

Verið velkomin til mín þangað!!!

Kv. Begga

7 ára skottulína...

Wed, 17 Jan 2007 09:38:00 GMT

:o Aníta Björk 7 ára!!! :o

Jamm, hvorki meira né minna en 7 ár síðan þessi prinsessa, Aníta Björk, kom í heiminn, frekar smágerð og sæt. Hún var náttúrulega vöknuð á undan okkur í morgun, en beið bara í eftirvæntingu í rúminu sínu eftir því að vera “vakin” með afmælissöng ;) Hún var sko alsæl með það að byrja daginn á því að opna afmælispakkana og svo var mjög spennt að fara í skólann og fá að gefa bekkjarsystkinum sínum smá nammi í tilefni dagsins. Hún verður svo sótt kl. 13 í dag, ásamt hinum stelpunum í bekknum, þar sem við verðum með afmælisveislu fyrir þær eftir hádegi. Svo að það verður sko bara stuð hjá okkur í dag :lol: Afmælisbarnið valdi svo að borða á Jensens Bøfhus í kvöld, svo að ekki þarf ég að hafa mikið fyrir eldamennskunni í kvöld :haha:

Aðrar fréttir af fjölskyldunni eru þær að hann Knútur Heiðberg er kominn með tvær tennur (loksins poppuðu þær upp). Hann er nú búinn að fá að hafa fyrir því þessi elska að fá þær, en það hafðist að lokum eftir “dálítinn” pirring. Hann var svo í 5 mánaða skoðuninni áðan og er orðinn 9 kg. og 71 cm. Stærðar strákur alveg og ekkert smá duglegur líka ;)

Svo er náttúrulega útskriftin hans Stefáns á föstudaginn og þá verður nú kátt í ”höllinni” skal ég segja ykkur :)

En best að halda áfram að undirbúa afmælisveisluna…

Kv. Begga, afmælisstelpumamma 8)

Tæknifræðingstitillinn góði...

Mon, 15 Jan 2007 14:35:50 GMT

:lol: Sunddrottningar & Tæknifæðingur (á föstudaginn) :lol:

Jæja, þá er maðurinn minn búinn með námið sitt hérna í Sønderborg (alla vega í bili ;) ). Fór í lokaprófið í morgun og kláraði það bara með glæsibrag drengurinn, ekki að spyrja að því sko :) TIL HAMINGJU ELSKU STEBBI!!! Hvað skyldi svo taka við hjá honum og bara okkur? Júbbs… bara atvinnuleit hérna á svæðinu og svo bara sjá hvað verður úr því hjá okkur :lol:

Nú helgin var sko aldeilis tíðindalaus hjá okkur. Á laugardaginn dúlluðum við okkur með þeim Ingu & Ríkey Ástu, við Inga skelltum okkur aðeins í búðarráp á meðan stelpurnar voru duglegar að leika sér. Í kvöldmatinn fengum við svo svakalega góðan kjúkling hjá þeim Evu & Johns, ekki amalegt það :) Og þar sátum við fram eftir kvöldi og höfðum það huggulegt.

Sunnudagurinn var tekinn snemma þar sem frumburðurinn var á leiðinni á sundmót. Það gekk mjög vel hjá henni, eins og venjulega (getur maður orðið alveg sagt um þessa sundskvísu). Hún keppti í þremur greinum og vann gull í þeim öllum og tók svo þátt í einu boðsundi og þar voru þær í þriðja sæti. Bara glæsilegur árangur!

Það er því ekki hægt að segja annað en að ég sé frekar montin með mitt fólk og þeirra frammistöðu þessa dagana :haha:

Aníta Björk er líka farin að æfa sund hjá þjálfurunum sem þjálfa keppnisliðið okkar og er ekkert smá dugleg skvísan, enda ef hún ætlar sér eitthvað þá getur hún það vel. Hún syndir sem sagt eins og herforingi í djúpu lauginni með rauðu fínu sundhettuna sína :)

2007 leggst sem sagt bara nokkuð vel í mig og mína, vona að það leggist líka vel í ykkur.

Knús í krús, Begga

5 mánaða, 16 ára & 37 ára

Wed, 03 Jan 2007 21:39:06 GMT

8) Skólinn byrjar á morgun hjá skvísunum 8)

     Jamm, prinsinn bara orðinn 5 mánaða og plummar sig bara vel hjá okkur. Hann er farinn að velta sér fram og til baka og spjallar þessi ósköp. Honum finnst systur sínar alveg bráðfyndnar og skellihlær alveg þegar best liggur á þeim. Hann er orðinn allur annar eftir pensilínskammtinn sinn og ég er ekki frá því að hann sé farinn að sofa aðeins betur.
      Í dag er líka annar prins sem á afmæli og þá alvöru afmæli, því að hann er 16 ára. Það er hann Patrekur Örn frændi okkar sem er 16 ára í dag, TIL LUKKU MEÐ DAGINN!!!
     Nú, svo er það prinsessan sem á afmæli í dag… það er hún Jóhanna Soffía og er hún orðin 37 ára skvísan sú. INNILEGA TIL HAMINGJU MEÐ DAGINN FÍA!!!
     Annars er nú nýja árið bara búið að vera fínt, enn sem komið er alla vega. Pabbi er reyndar farinn heim aftur, en það kemur víst að því fyrr eða síðar þegar maður er með gesti að þeir þurfi að fara heim aftur :( En hann minnti okkur nú á það að það styttist í afmæli stelpnanna og gaf þeim pening til að kaupa sér eitthvað í afmælisgjöf ;) Þær voru nú ekki lengi að ákveða sig og skelltu sér í búðina í gær og keyptu sér skauta. Það er nefninlega komið skautasvell í bæinn og því hentugt að eiga skauta. Þær prófuðu svo græjurnar bæði í gær og í dag við mikla kátínu :lol:
     Húsbóndinn á heimilinu hefur lítið sem ekkert verið heima hjá sér undanfarið, enda er skiladagur lokaverkefnis á morgun um hádegi. Mikið verður það nú ljúft þegar það er frá, þó svo að prófið/vörnin sé eftir. Hann er í þessum skrifuðu orðum upp í skóla að prenta út, svo að hann kemur trúlega ekki heim fyrr en seint í nótt, ef ekki bara í fyrramálið :$ Ég þarf því að koma stelpunum í skólann á morgun og ætti því að koma mér í háttinn núna.

Kv. Begga

Jólin, skírnin og fleira misspennandi

Sat, 30 Dec 2006 12:37:29 GMT

:klikk: Áramótaheit, hvað er nú það??? :klikk:

Jæja, þá eru jólin “búin” og erum við sko heldur betur búin að hafa það huggulegt. Aðfangadagur var bara góður, með göngutúr í blíðunni, eldamennskunni, átinu og pökkunum. Stelpurnar voru mjög spenntar þetta árið og máttu nánast ekki vera að því að borða, nema Perla Dögg, hún borðaði vel af humrinum sem var í forrétt.

Á jóladag lágum við í leti, suðum hangikjötið í rólegheitum og kíktum aðeins nánar á jólagjafirnar ;) Annar í jólum var nú líka aldeilis fínn, en þá fórum við í mjög góðan göngutúr áður en við borðuðum afganga síðustu tveggja daga ásamt þeim Gunnu & Fylki og Dísu & Snorra. Þetta varð hið huggulegasta kvöld og leið það hratt að við náðum ekki einu sinni að taka spil, eins og áætlað hafði verið :$ En það verður vonandi haldið spilakvöld í staðinn fljótlega.

Síðan erum við bara búin að vera að slæpast í fríinu á milli hátíða, þ.e. allir nema Stebbi sem er á fullu að vinna í verkefninu sínu, sem hann á að skila 4. janúar. Slæpast og ekki slæpast, auðvitað fór einn dagur ekki í slæping, heldur jólamessu og skírn. Hann Knútur Heiðberg var skírður í jólamessunni okkar þann 28. desember (brúðkaupsdagur Mömmu & Óskars, 1999) ásamt henni Sögu (Gauta- & Stefaníudóttur). Og eftir herlegheitin í kirkjunni var haldið á jólaball íslendingafélagsins þar sem var sko fullt borð af þvílíkum kræsingum, ummmm... ljúffengt. Það sem reyndar skyggði aðeins á þennan dag var það að hann Knútur "litli" hafði sofið mjög illa nóttina áður og var með bullandi hita um morguninn. Við skelltum í hann stíl áður en við fórum í krikjuna, enda var hann rólegur og yfirvegaður yfir þessu öllu saman. Næstu nótt á eftir rauk hann aftur upp í mikinn hita svo að ég ákvað að fara með hann til læknis daginn eftir. Og viti menn, ekki var barnið að kvarta að ástæðulausu, hann var kominn með eyrnabólgu í bæði eyrun, sem þýðir það að fyrsti pensilínskammturinn hans er kominn í hús :( En hann er allur annar núna, svo að þetta hlýtur að vera farið að virka á hann greyið.

Í dag finnst svo veðurguðunum kominn tími til að losa okkur við blíðuna og sjá okkur fyrir roki og rigningu í staðinn, ekki sérlega spennandi það. Vona bara að það verði betra á morgun því að þetta er ekki besta veðrið fyrir áramótabomburnar sem mér finnst svo gaman að sjá á gamlárskvöld.

En ætli þetta verði ekki bara síðasta færslan mín á þessu ári.

Svo að ég vil bara óska ykkur, lesendur góðir,

Gleðilegs og farsæls komandi árs.

Begga

P.s. Ég veit hvað áramótaheitið ykkar getur verið... að vera duglegri að kvitta á síðuna hennar Beggu :haha: :lol:

Aðfangadagur runninn upp...

Sun, 24 Dec 2006 11:38:31 GMT

Gleðileg jól!!!

Ég verð nú kannski hér á ferðinni um jólin og læt vita af því hvað við höfum það huggulegt ;) Hafið það sem allra best!

Jólakveðja, Begga

Miðvikudagurinn 20. desember næstum búinn...

Wed, 20 Dec 2006 23:19:45 GMT

:^)Jólagjafaleiðangurinn misheppnaði :^)

Þá fer nú að líða að því að maður renni út á tíma með að klára að versla jólagjafirnar. En það hlýtur nú að hafast hjá mér, ég vona það alla vega. Ég gerði nú heiðarlega tilraun í dag til að saksa verulega á listann, en allt kom fyrir ekki. Ég skellti mér nefninlega til Flensborgar til að versla jólasteikina og ýmislegt annað til að gæða okkur á um jólin. Ég náði því nú sem betur fer, en svo þegar ég ætlaði að sækja mér evrur í hraðbanka þá bara vildi hraðbankinn ekki kortið mitt og ekki heldur ein verslun sem ég ætlaði að versla við. Svo að ég fór bara heim aftur með töluvert minna af nýkeyptum vörum en ég hafði ætlað mér :( Auðvitað fór allt á trilljón í hausnum á mér, þ.e. ég fór nú að velta því fyrir mér hvort það gæti mögulega verið að ég ætti bara ekki pening, en þótti það nú ótrúlegt :lol: svo að ég skellti mér bara í hraðbanka í Kruså, sem er bær alveg við landamærin (Danmerkurmegin), til að athuga hvort að það væri ekki alveg í lagi með kortið mitt. Og viti menn, auðvitað á ég "fullt" af peningum þar inni. Þetta þýðir bara það að ég kem til með að styrkja mína heimabyggð í jólagjafakaupunum mínum.

Tíundi var Gluggagægir,
grályndur mann,
sem laumaðist á skjáinn
og leit inn um hann.

Ef eitthvað var þar inni
álitlegt að sjá,
hann oftast nær seinna
í það reyndi að ná.

(Jólasveinavísa / Jóhannes úr Kötlum)

     Talandi um nóg af peningum þá er ég í "meðferð" hjá tannsa núna, þarf að fá krónu á eina tönnsluna mína og ég get sko alveg lofað ykkur því að það kemur samt til með að kosta aðeins meira en krónu, þær verða nú allmargar sem ég fæ að láta af hendi fyrir þessi skemmtilegheit :$ En þessu komst ég að eftir að hafa verið að gæða mér á harðfisk og braut með því fyllingu sem var í tönninni og svo braut ég víst sjálfa tönnina líka. Láníð í óláninu að þessu sinni var það að tönninn er svo gjörsamlega steindauð að ég finn ekkert til þegar það er verið að potast í henni :haha: Eins gott að það sé eitthvað jákvætt við þetta dæmi.
     Svo má ég nú til með að segja frá því að "litli" drengurinn minn er sko bara farinn að velta sér eins og ekkert sé. Byrjaði að myndast við það í síðustu viku en svo var það núna á mánudaginn sem hann náði að velta sér og ná hendinni undan þegar hann var kominn yfir á magann :) Bara duglegur!!! ;) En svo nennir hann náttúrulega ekkert að vera á maganum og fattar ekki að velta sér bara til baka aftur, svo að hann bara pirrast þangað til einhver kemur honum til aðstoðar og yfirleitt þarf hann nú ekki að bíða lengi.
     Á morgun kemur hann pabbi til okkar, hann ætlar að halda jól og áramót hjá okkur og svo náttúrulega að vera við skírn nafna síns.
     Núna er víst kominn háttatími hjá mér svo að ég hef þetta ekkert lengra að sinni.
     Jólakveðja, Begga

Níundi jólasveinninn á leið til byggða...

Tue, 19 Dec 2006 22:55:34 GMT

Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.

Á eldhúsbita sat hann
í sóti og reyk
og át þar hangið bjúga,
sem engan sveik.

(Jólasveinavísa / Jóhannes úr Kötlum)

Mojn, Begga

Ég hélt að það væri SkyrGÁMUR, hmmm...

Mon, 18 Dec 2006 14:08:57 GMT

:$ Skyrjarmur sá áttundi :$

Skyrjarmur, sá áttundi,
var skelfilegt naut.
Hann hlemminn o’n af sánum
með hnefanum braut.

Svo hámaði hann í sig
og yfir matnum gein,
uns stóð hann á blístri
og stundi og hrein.

(Jólasveinavísa / Jóhannes úr Kötlum)

     Já, ég hef alltaf haldið að jólasveinninn sá héti Skyrgámur en ekki Skyrjarmur. En það er nú kannski líka nafn sem hann bar í gamla daga, hver veit? :P
     En sundið er nú aldeilis að gera sig um þessar mundir hjá íslendingunum í sundfélaginu okkar. Perla Dögg bætti við sig þremur gullverðlaunum í gær, Aldís Anna, vinkona okkar, fékk tvenn gullverðlaun, Sævar Patrekur fékk tvö gull og eitt silfur og Anna Jóna, heimalingurinn okkar, fékk eitt siflur og eitt brons. Ég komst að því í gær að maður verður ekki síður stoltur á að sjá börn vina sinna standa sig svona svakalega vel :haha: Til hamingju öll sömul, bæði börn og foreldrar ;)
     Hilsen, Begga

Askasleikir og hurðaskellir

Sun, 17 Dec 2006 08:30:54 GMT

:lol: Sveinkar og sund á hug barnanna á þessum bæ :lol:

Jamm, klikkaði alveg á þessu í gær, en sveinninn sem kom síðastliðna nótt var sá sjötti í röðinni og hafði greinilega orðið var við það hvað hún Aníta Björk lét kjánalega fyrripart dagsins í gær :( og færði henni kartöflu að launum. En sundgarpurinn okkar hún Perla Dögg, sem kom heim með tvö gull eftir tvö sund, fékk nú aðeins veglegri gjöf í skóinn :D

Sá sjötti Askasleikir,
var alveg dæmalaus.-
Hann fram undan rúmunum
rak sinn ljóta haus.

Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.

(Jólasveinavísa / Jóhannes úr Kötlum)

En næstu nótt kemur nú hann hurðaskellir, eins gott að sofa með tappa í eyrunum bara :$ Við vonum bara að hann hafi góða ástæðu til að setja eitthvað aðeins skemmtilegra í skóinn hjá þeirri styttri næstu nótt.

Sjöundi var Hurðaskellir,
-sá var nokkuð klúr,
ef fólkið vildi í rökkrinu
fá sér vænan dúr.

Hann var ekki sérlega
hnugginn yfir því,
þó harkalega marraði
hjörunum í.

(Jólasveinavísa / Jóhannes úr Kötlum)

     Í gærkvöldi var okkur hjónunum boðið í mat til Hjördísar og Ingvars, ásamt Dísu & Snorra, og var það sko ekkert smá huggulegt, bara setið yfir góðum mat og mikið spjallað "langt" fram á kvöld.
     Nú er svo bara sæll sunnudagur framundan í sundhöllinni, þar sem hún Perla Dögg ætlar að synda þrjú 100m sund, baksund, skriðsund og bringusund.
     Stebbi er náttúrulega alveg á kafi í lokaverkefninu sínu núna, búinn með prófið sem hann átti eftir líka, svo að hann nýtur þess nú bara í botn að vinna "bara" í verkefninu sínu.
     Hérna eru rúnstykki nýkomin í hús, morgunhanarnir mínir búnir að skella sér í sunnudagsbakaríisferðina sína, svo að ég ætla að skella mér í morgunmatinn núna.
     Kv. Begga

Jólin, jólin, jólin koma brátt, jólaskapið kemur smátt og smátt...

Fri, 15 Dec 2006 09:55:33 GMT

8) Sundhelgi framundan hjá frumburðinum 8)

     Já, það er sko bara þriggja daga prógram í sundinu hjá henni Perlu Dögg um helgina, þ.e. hún verður að keppa laugardag, sunnudag og mánudag. Þetta er innanfélagsmót og jólamót.
     Aníta Björk fékk viðurkenningarskjal úr sínum sundflokk um daginn sem segir að nú má hún fara í næsta flokk fyrir ofan og það er sem sagt í djúpu lauginni. Hún var að vonum alveg himinlifandi yfir því, enda vandaði hún sig mikið þegar það var verið að tékka á því hvort þau gætu allt sem þyrfti til að komast áfram ;) Hún er nefninlega búin að bíða spennt eftir því að komast í djúpu laugina að æfa :lol:
     Sveinrnir góðu sem komnir eru til byggða hafa allir fært þeim systrum eitthvað spennandi og skemmtilegt, sem betur fer. En það er líka mikið vandað sig við það vera prúðar og stilltar þessa dagana. Næsti sveinki er svo hann Pottaskefill og vonum við að hann hafi nú góða ástæðu til að setja eitthvað spennandi og skemmtilegt í skóinn líka.

Sá fimmti Pottaskefill,
var skrítið kuldastrá.
-Þegar börnin fengu skófir
hann barði dyrnar á.

Þau ruku’upp, til að gá að
hvort gestur væri á ferð.
Þá flýtti’ ann sér að pottinum
og fékk sér góðan verð.

(Jólasveinavísa / Jóhannes úr Kötlum)

Nú er svo bara að ganga inn í helgina með bros á vör og njóta þess að jólin nálgist.
Lots of hugs... Beggan

Jólasveinninn minn, jólasveinninn minn...

Thu, 14 Dec 2006 10:56:03 GMT

:D ...ætlar að koma í kvöld... :D

Sá fjórði, Þvörusleikir,
var fjarskalega mjór.
Og ósköp varð hann glaður,
þegar eldabuskan fór.

Þá þaut hann eins og elding
og þvöruna greip,
og hélt með báðum höndum,
því hún var stundum sleip.

(Jólasveinavísa / Jóhannes úr Kötlum)

Ég er algjörlega tóm í dag svo að ég læta jólasveinavísuna duga í þetta skiptið.
Kveðja úr hitanum og rokinu í Sønderborg, Beggan

Miðvikudagurinn 13. desember

Wed, 13 Dec 2006 08:03:02 GMT

;) Stúfur er næstur ;)

Stúfur hét sá þriðji,
stubburinn sá.
Hann krækti sér í pönnu,
þegar kostur var á.

Hann hljóp með hana í burtu
og hirti agnirnar,
sem brunnu stundum fastar
við barminn hér og þar.

(Jólasveinavísa / Jóhannes úr Kötlum)

     Jamm, þriðji jólasveinninn væntanlegur næstu nótt, ótrúlega spennandi allt saman.
     Af því að ég er nú að "blogga" í dag þá verð ég nú að senda tvær afmæliskveðjur í tilefni dagsins. En það eru þær Gunna (Sønderborgari) og Jónína Helga (svilkona mín í sveitinni) sem eiga afmæli í dag og óskum við þeim báðum innilega til hamingju með daginn.
     Hef þetta ekki meira í dag, munið bara að vera stillt svo að Stúfur þurfi ekki að fara heim með fullan poka aftur :lol:
     Kv. Begga

12.12.2006

Tue, 12 Dec 2006 07:31:37 GMT

8) Gefðu mér gott í skóinn, góði jólasveinn í nótt... 8)

Stekkjastaur kom færandi hendi til stelpnanna í nótt, enda svoddan gullmolar þessar prinsessur mínar :)
Þá er röðin komin að honum Giljagaur…

Giljagaur var annar,
með gráa hausinn sinn.
-Hann skreið ofan úr gili
og skaust í fjósið inn.

Hann faldi sig í básunum
og froðunni stal,
meðan fjósakonan átti
við fjósamanninn tal.

( Jólasveinavísa / Jóhannes úr Kötlum)

     Eyrnalæknisheimsóknin hjá okkur Anítu Björk gekk nú bara vel í gær. Það er enginn þrýstingur og hún heyrir mjög vel, svo að við þurfum ekkert að hafa áhyggjur af því, sem betur fer.
     Ég er nú meiri mamman... er með "lítinn" krúttköggul hérna sem var vigtaður og mældur í síðustu viku, enda orðinn 4ra mánaða gamall. En hann mældist 68cm langur og hvorki meira né minna en 8,3 kg. Jamm það er sko tekið með trompi að stækka á þessum bæ. Nú fer svo að líða að því að hann Knútur Heiðberg verði skírður, en það verður gert í jólamessunni okkar íslendinganna hérna í Sønderborg (eins gott að barnið komist í skírnarkjólinn :$).
     En nú er það handboltinn í kvöld, alla vega hérna í DK (trúlega ekki sýnt á Íslandi þar sem þetta er kvennabolti og íslendingar ekki með), en Danmörk er að fara að keppa við Svíþjóð á Evrópumeistaramótinu, sem er einmitt haldið í Svíþjóð.
     Fariði svo varlega í jólaösinni…

Jólasveinakv. Begga

Jólasveinarnir á leið til byggða...

Mon, 11 Dec 2006 08:39:55 GMT

8| Jólahvað??? 8|

Í kvöld ætlar hann Stekkjastaur að leggja í hann ;)

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

Hann vildi sjúga ærnar,
-þá varð þeim ekki um sel,
því greyið hafði staurfætur,
-það gekk nú ekki vel.

(Jólasveinavísa / Jóhannes úr Kötlum)

Það að jólasveinarnir skuli vera á leið til byggða sýnir manni það svart á hvítu að það er farið að styttast verulega í jólin og minnir mann á það hvað það er nú margt sem á eftir að gera áður en þau skella á :$ En það hlýtur nú að hafast eins og venjulega og ef ekki þá koma þau víst samt. Mér finnst stelpurnar mínar strax farnar að spennast upp og þá helst sú yngri, skapið orðið erfitt að ráða við og hægt að hafa allt á hornum sér. En kannski er það bara líka uppsöfnuð þreyta eftir ferðalagið okkar líka, erfitt að segja til hvað það getur verið.

Ég ætla að skella mér með hana, Anítu Björk, til eyrnalæknis í dag, en hún heyrði víst ekki alveg nógu vel með öðru eyranu þegar hún fór í skólalæknisskoðunina um daginn. Hún er líka búin að vera kvarta oft undan eyrnaverk í öðru eyranu, en okkar “venjulegu” læknar hafa ekki séð neitt að :( Og auðvitað er erfitt að halda gleðinni þegar manni líður illa (kannski komin skýring á hluta af pirringnum, hmmm…).

Í gær dembdum við okkur, ásamt íslendingafélaginu, í jólatrjáaleiðangur. Við nældum okkur í þetta líka stóra tréð svo að við ættum að fá eitthvað smá greni til að skreyta með þegar það verður tekið af því. Þetta var frekar fín ferð, enda veðrið alveg með eindæmum fallegt þó að það hafi verið svona lúmskt kalt. En stjórnin klikkar að sjálfsögðu ekki og mætti með heitt kakó og piparkökur handa liðinu og svo var íslenska nammisjoppan einnig á staðnum :lol:

     Annars erum við nú ekki mikið að gera þessa dagana, eða ekki mikið auðvitað er alltaf nóg að gera í þessu venjulega, en þar fyrir utan höfum við ekki gert mikið. Við fórum jú á ljósakvöld hjá 3. og 5. bekk á þriðjudaginn og þar sungu þau fyrir okkur 3 lög í hátíðarsalnum og á meðan logaði á kertum í geggjuðum leirhúsum sem allir í bekkjunum höfðu búið til í skólanum. Þetta var frekar huggulegt. Eftir sönginn var svo komið að “litlu jólunum” í bekknum hennar Perlu Daggar og þar var boðið upp á eplaskífur, glögg og gos.
     En þar sem að ég þarf að hendast út og suður síðar í dag þá verð ég víst að reyna að sinna heimilinu smá núna og bið ykkur bara vel að lifa.
     Þar til næst… KNÚS…